பெண்களின் வாழ்வில்
அடிக்கடி தென்படுகிறார்கள்
அப்பாவைப் போல்
இருப்பவர்கள்..
அப்பாவின் உயரம்
அப்பாவின் உடல்வாகு
அப்பாவின் சருமச் சாயை
அப்பாவைப் போல் முடி
அப்பாவின் குரல்
அப்பா அணியும்
சட்டையின் நிறம்
அப்பாவின் இருசக்கர
வாகனத்தின் சத்தம்..
அப்பாவின் பணிவு
அப்பாவின் சுறுசுறுப்பு
அப்பாவின் தளர்நடை
சில நேரங்களில்
அப்பாவின் கண்ணீரை விடக்
கலக்கம் கொள்ளச் செய்யும்
அப்பாவைப் போல்
இருப்பவரின் கண்ணீர்.
அம்மாவைப் பற்றி கேட்கிறீர்களா?
அம்மாவைப் போல் இருப்பவர்கள் தேவைப்படுவதில்லை.
நொறுங்கி விழப்
போதுமானதாய் இருக்கிறது,
எதற்காவது
அவ்வப்போது தோன்றும் "அம்மாவுக்கும் இப்படித்தானே இருந்திருக்கும்"
என்ற எண்ணம்.
No comments:
Post a Comment