அரைநொடி மின்னலுக்கு இணையென
நகராது நகர்ந்தெழுதும்
நத்தை தனது மினுங்கும் கோட்டை.
நேர்க்கோட்டில் நீந்தும்
திமிங்கிலத்தின் பெருமூச்சை
வெகுநீட்டி விரையும்
விமானத்தின் வெண்புகை.
ஈறறியாப் பேரண்டத்தில்
எவர் வகுக்கக் கூடும்
இலக்கங்கள்...
இலக்கணங்கள்..
இணைகோட்டுச் சூத்திரங்கள்?
எல்லாம் கிடக்கட்டும்..
இல்லாதிருக்கும்
இருப்புப் பாதையில் பார்..
சின்னஞ்சிறு மஞ்சள் பொதிகளில்
கவிதைகள் சுமந்து வரும்
இரயில் பூச்சி.
நன்றி: யாவரும்
